Истрагата треба да покаже дали се основани сомневањата дека стотина мажи во бразилскиот град Енкрузиљада купиле листови во вредност од околу 300 денари за игра, во која победникот добивал малолетна девица.
Имено, во тој град секоја недела се организира бинго лотарија, во која педофилите се коцкаат на малолетнички кои потоа сексуално ќе ги злоупотребуваат.
Од организацијата посветена на жртвите на сексуално злоупотребување во регионот, тврдат дека болните игри се случуваат сред бел ден и дека со тоа се запознаени поголем дел од жителите, меѓу кои и полицијата.
Локалниот адвокат Микаел Фаријас, кој го истражувал случајот, објаснува дека сите знаат за оваа лотарија и дека мажите доаѓаат и од околните места во регионот на бразилската држава Баиха.
Мажите се коцкаат за девојчиња стари до 11 до 17 години, а извлекувањето е голем настан, кој натпреварувачите го очекуваат со нетрпение.
Бандата која ги печати тикетите заработила многу пари за злоставуваните девојчиња, кои мислат дека немаат избор.
