Две теренски возила на ОБСЕ во моментов се во Липковско. Иако полицијата им дозволи да се упатат кон Гошинце, од ОБСЕ одлучиле да не продолжат, бидејќи возилата не им биле блиндирани, јавува Nova.tv.
Инаку дел од новинарските екипи предмалку полицијата ги спречи да продолжат кон Гошинце.
Инаку, пристапот кон Гошинце цел ден е слободен. Првите полициска екипа пристигнале пред 5 минути, иако МВР уште пред повеќе од 2 часа информираше дека Гошинце било мета на терористички напад утринава.
Според МВР, околу 2 часот и 30 минути по полноќ, поголема група од 40 лица ја нападнаа караулата Гошинце во близина на северната граница. Лицата биле добро вооружени и носеле маскирни униформи со ознака на УЧК. При нападот биле заробени 4 полициски службеници кој во моментот биле дежурни во караулата.
Од МВР информираа дека лицето кое ја предводело групата на алабански јазик преку преведувач им се обратил на врзаните полицајци со следниве зборови „Ние сме од УЧК, пренесете дека ниту Ахмети, ниту Груевски не може да ве спаси. Ние сакаме наша држава и не сакаме никакви Охридски договори, повеќе никој не смее да дојде нагоре. Доколку вас или било кој друг фатиме повторно сите ќе ве ликвидираме“.
