Припадници на џихадистичката група Исламска држава (ИД), егезкутирале еден локален новинар во ирачкиот град Мосул, затоа што одбил да им се заколне на верност, јави ТАСС, повикувајќи се на информација на иранската телевизија Прес ТВ.
Џихадистите го убиле познатиот телевизиски новинар Фарас ал Бахри, кого го заробиле пред три недели.
Тие прво побарале од Бахри да им се заколне на верност, но бидејќи тој одбил да го стори тоа, го егзекутирале.
Лани во октомври, ИД објави дека сите новинари што живеат на териториите под нејзина контрола треба да положат заклетва на верност на групата.
Претседателот на Сојузот на новинарите од Мосул, Акрам Сулејман во изјава за Прес ТВ вели дека припаднците на ИД досега убиле седуммина новинари од градот, а уште десет други држат на непозната локација.
