Повеќе од 20 дена откако бил пријавен како исчезнат, во саботата претпладне на гробиштата во виничкото село Грљани бил пронајден починат 80-годишниот Трифун А. жител на Грљани, соопшти МВР.
Телото го пронашол неговиот син, кој живеел во Виница. По наредба на јавен обвинител извршен е увид на местото на настанот, а доктор го прегледал телото и констатирал дека нема траги на насилство. Телото на починатиот е предадено на семејството за погреб.
