Кабинетот на Претседателот на Република Македонија почитувајќи го пројавениот интерес од страна на уредникот на порталот Плусинфо и на весникот Слободен Печат, Бранко Героски, за јавните набавки на Кабинетот и неговата огромна преокупираност со вратоврските, одлучи да му подари една вратоврска.
Во прилог, на Героски му беше дадена и фактурата од фирмата „Фокабо ГТЦ“, каде може со свои очи да види дека вратоврските чинат по 550 денари и истите се наменети како протоколарен подарок за членови на делегации кои биле во посета на Р. Македонија, или делегации со кои се среќава Претседателот при посетите во странство.
Доколку на Героски не му допаѓа подарената вратоврска, Кабинетот му стои на располагање да му ја замени со друга по негов вкус.
Доколку има проблем со врзувањето, Кабинетот е подготвен да му одржи кратка обука за врзување вратоврски со еден, или со два јазли.
