Изгорела родната куќа на Бил Клинтон, пожарот подметнат (ФОТО)


Во куќата во која е роден поранешниот американски претседател Бил Клинтон, во сојузната држава Арканзас, е подметнат пожар.

Полицијата во градот Хоуп, каде се наоѓа двокатната куќа, соопшти дека огнот ја оштетил влезната врата, пред противпожарната служба да дојде и да го локализира пожарот.bil-klinton-kukja-naslovna

Започната е истрага за инцидентот, но полицијата верува дека некој намерно го предизвикал пожарот, затоа што во дворот на куќата се најдени расфрлани средства што се користат за потпалување оган.

Полицијата открила и неколку графити, кои ја најавувале намерата да се опожари родната куќа на Бил Клинтон.

Еден возач, кој минал покрај куќата, забележал дека таа гори и веднаш ги повикал полицијата и противпожарната служба. Кога дошле пожарникарите огнените пламени достигнувале 2,5 метри, но брзата интервенција спречила куќата да биде уништена.
Во куќата во Хоуп, Клинтон ги поминал најраните години од своето детство. Од 2011 година, таа е ставена под заштита на државата.

MK News

Автор инфо

No comments yet.

Остави коментар

UA-33057274-1