Извлечено тело од авионот во кој леташе Сала- не е познато за кого станува збор


Аргентинскиот напаѓач, Емилијано Сала исчезна пред десетина дена кога се урна авионот во кој леташе од Нант кон Кардиф. Потрагата по скоро една недела го пронајде леталото на дното на Ла Манш, а беше и лоцирано и едно тело во леталото.

Истражувачите вчера изјавија дека авионот ќе биде извлечен на површина во наредните денови и уште не е познато каде се наоѓа второто тело, а постои можност и тоа да е во авионот.

Англиските медиуми објавија дека телото кое веќе беше лоцирано се наоѓало на дното на морето, но дека успеале да го извлечат од авионот. „Мирор“ објави дека телото е извлечено и се наоѓа на брод во близина на местото на падот на авионот.

Но, уште не е познато за кого станува збор, дали на фудбалерот или пилотот, но наводно членовите на двете семејства се подготвени на идентификација доколку тоа биде потребно и наскоро се очекуваат повеќе информации.

Share Button
MK News

Автор инфо

No comments yet.

Остави коментар

UA-33057274-1