Германските власти за заштита на конкуренцијата казнија 11 производители на чоколади со 60 милиони евра поради нелегално здружување во картел и договарање цени, пренесува МИА
Во соопштението на канцеларијата за заштита на конкуренцијата се наведува дека прекршоците се направени во периодот меѓу 2004 и 2008 година, а меѓу казнетите компании се и „Крафт“ и „Нестле“.
Компаниите се обвинети дека се договориле за зголемување на цените на чоколадата кога трошоците за суровините значително се зголемиле во 2007 година.
Во соопштението се додава дека компаниите „едноставно престанале меѓусебно да се натпреваруваат и дека со високите цени ги оптовариле потрошувачите“.
Компанијата „Марс“, според соопштението, ќе избегне плаќање на казната, бидејќи ги предупредила властите за незаконската практика на другите призводители.
