Боби Кристина Браун која неколку години тешко се бори со изненадната смрт на нејзината мајка, музичката дива Витни Хјустон, се наоѓа на интензивна нега, а нејзиниот сопруг Ник Гордон ја пронашол во када полна со вода без да дава знаци на живот.
21-годишната ќерка на Боби Браун и витни Хјустон е во критична состојба и докторите се борат за нејзиниот живот. Таа вчера беше пронајдена во својата куќа во када полна со вода, а ја пронашол нејзиниот сопруг кој и пружал прва помош додека не пристигнала Брзата помош.. Боби Кристина е ставена во вештачка кома бидејќи лекарите забележиле дека има оток на мозокот.
– Не знаеме што се случило, не знаеме зошто не давала знаци на живот – изјавил Гордон.
– Криси не се дрогира, не пие и не се дрогира и ги оставила цигарите – изјавил нејзиниот татко.
Полицијата се уште истражува што се случило во домот на Боби Кристина и Ник Гордон.
Дивата Витни Хјустон, мајката на Кристина беше пронајдена мртва во када пред 3 години во Калифорнија. Витни почина на 48-годишна возраст во када на хотелскиот апартман 434 „Беверли Хилтон“ хотелот, без свест и потопена во вода. Како непосредна причина за смртта е наведено случајно давење, како последица на срцева болест и консумирање на кокаин.
