Kириите во Скопје намалени за 40 отсто – станови не се издадени и по година дена


Луксузно наместен стан во Аеродром за 300 евра. Се издава луксузна куќа во Kисела Вода од 400 квадратни метри за 1.000 евра. Двособен стан за 150 евра во Ново Лисиче. Ова се само дел од огласите што се нудат во јавните гласила и на специјализираните веб-страници. Ниту почетокот на новата учебна и академска година не донесе поголемо раздвижување на берзата за издавање станови. Во Агенциите за недвижен имот велат дека зголемениот број на празни станови донесе голема понуда, а ѕоа директно влијаело на намалувањето на висината на кириите. Според нив, понудата за станови под кирија е зголемена за 50 отсто, а кириите се намалени за 40.

Неиздадени станови и по две години

stan pari kukjaАко ги прашате сопствениците, ќе ви речат дека до пред две години истите станови ги издавале за двојно повисока кирија. Сега се подготвени и за многу помалку, само да има некој да им го одржува станот и да плаќа комунални трошоци. Прво нешто што ви кажуваат во телефонскиот разговор се бројот на соби, главно сите бараат закупец за подолго време, а веќе следно е дека ако станот ви се допадне и платите однапред, киријата не е фиксна и оти може да се договорите за пониска сума. Во неврзан муабет велат дека дел од становите се празни и повеќе од шест месеци.

– Лани во август се преселивме во нова куќа. Станот од 72 квадратни метри во кој живеевме во Ново Лисиче остана наместен. Има буквално с` што е потребно, од наместени две спални соби, до апарати за домаќинство, машина за садови и за сушење алишта. Го издавам веќе 11 месеци по цена од 250 евра. Се јавуваат и агенции, но за овој период само еден млад брачен пар дојде да го види. Понудија само 150 евра, го видоа, и рекоа дека им е скапо. Не знам што очекуваат, вели Јасмина Христовска од Скопје. Таа е подготвена да преговара и за кирија пониска од 200 евра, но нема заинтересирани.

Во Агенциите за недвижности потврдуваат дека кириите се драстично намалени.

– Понудата за станови под кирија е зголемена за 50 отсто последниов период, а кириите се намалени за 40. Точно е дека има станови што се издаваат и подолго време. Очекувавме раздвижување овој месец поради почетокот на новата училишна година, но најверојатно учениците и студентите ги избегнуваат агенциите за да ги намалат трошоците. Но и да е така, сепак има многу станови и факт е дека кириите се драстично намалени – велат во Агенцијата за недвижности „Бастион“.

Dnevnik.mk

Share Button
MK News

Автор инфо

No comments yet.

Остави коментар

UA-33057274-1