Kосовската влада вчера го одобри нацрт-законот кој предвидува казна затвор во траење од 15 години за оние што ќе земаат учество во вооружени конфликти надвор од земјата, пренесе порталот „Лајме шќип“.
Овој нацрт-закон доаѓа по вознемирувањата и дебатите што се појавија поради учеството на Албанците од Kосово во војната во Сирија.
Министерката за интеграции на Kосово, Влора Читаку, на својот профил на „Фејсбук“ вчера го потврди усвојувањето на законот.
– Kосовската влада го одобри нацрт-законот според кој одењето во вооружени конфликти надвор од територијата на земјата се смета за кривично и дело казниво со до 15 години затвор – напиша Читаку.
