Премиерот на Крим, Сергеј Аксјанов, рече дека владата и официјално ќе побара припојување кон Русија, по референдумот на кој 93 проценти од излезените се изјаснија за соединување со Русија.
„Врховниот Совет на Крим официјално ќе побара влез во Руската Федерација на состанокот на 17. март“, напиша Аксјанов на Твитер.
Тој претходно рече дека денешниот референдум за соединување со Русија ќе влезе во историјата.
Британија и Франција најавија дека нема да ги признаат резултатите од референдумот и побараа Русија да го почитува суверенитетот и територијалниот интегритет на Украина.
