По говорот на лидерот на СДМС Зоран Заев насобраните граѓани почнаа да си заминуваат иако Заев најави дека протестот продолжува се до оставка од премиерот Груевски.
Мирно и без инциденти, мина граѓанскиот протест пред Владата, на којшто се собрани илјадници граѓани кои бараат оставка од премиерот Никола Груевски.
Меѓу транспарентите што ги носат граѓаните на протестот се и: „Нема ти спас од народниот глас“ , „Збогум Никола“, „Цензурата е забранета“ и многу други во кои се цитира Уставот.
На собирот можат да се забележат македонски знамиња, албански знамиња, знамиња од другите помали етнички заедници, а партиски обележја не се забележани.
