На неколку пунктови низ Македонија денеска од 12 часот се собираше храна, облека, вода, градежна опрема, со други зборови кој колку има. До сега тргнаа неколку комбиња за да однесат дел од собраната помош кон Србија, а останатите ќе тргнат во текот на наредните часови. Сепак, додека луѓето несебично донираа кој колку има, на плоштадот Македонија во Скопје, се појавија неколкумина кои сакаа да си земат нешто за по дома. Си бараа тренерки, патики, но откако беа пријавени, полициски службеници ги отстранија од Плоштадот за да може донираната облека да стигне таму каде што во моментов е најпотребна.
Фото: Кристијан Тодоровски
