Пратеникот од СДСМ и кандидат за градоначалник на Скопје, Јани Макрадули, е прогласен за виновен за клевета и треба да му плати 520.000 денари ( 8.500 евра) на директорот на Управата за контраразузнавање, Сашо Мијалков, пресуди Апелацискиот суд во Скопје, пишува Дневник.
Апелација ја потврдила пресудата на Скопскиот кривичен суд. Инаку Мијалков тужеше дека Макрадули изнесол клевети за него во вестите на А1 во декември 2007 во прилогот со наслов- „СДСМ: Мијалков ја злоупотребува опремата за прислушување“.
Директорот на УБK, Мијалков, парите добиени од пресудата ќе ги даде во хуманитарни цели.
