Макстил: До крајот на октомври ќе ве труеме со 30% од можностите


„Макстил“ очекува целосно да ги заокружи активностите за заштита на животната средина во договорените рокови. На компанијата и беше проголонгиран рокот за реализација на оперативниот систем до 31 октомври 2014 година.

zelezara_zagaduvanje makstilОд компанијата информираат дека сите активности за реализирање на новата филтерска постројка во погонот Челичарница се одвиваат според однапред предвидената динамика.

Посочуваат дека со ставањето во функција на оваа постројка, во целост ќе бидат исполнети најстрогите европски норми за емисии во воздух.

Според договорот со надлежните институции, производните активности по целата технолошка линија во текот на реализацијата на проектните активности се редуцирани на ниво од 30 проценти од инсталираните капацитетни можности, што значи дека и степенот на емисиите до конечното завршување на проектот ќе биде  во значителна мерка ограничен.

Носител на проектот е италијанската компанија СТГ, специјализирана за проектирање и изведба на вакви системи. Градежните работи ги изведува домашната градежна фирма „Бетон“, а изработката на челичните конструкции, на цевководниот систем и поголем дел од останатата опрема, заедно со комплетната монтажа, ги работи исто така домашната компанија „Факом“

Share Button
MK News

Автор инфо

No comments yet.

Остави коментар

UA-33057274-1