Поранешниот претседател на Јужна Африка, Нелсон Мандела кој има сериозни нарушувања на респираторниот систем во живот се одржува само со помош на апарати.
“Тој е во трајна вегетативна состојба и диши со помош на машина за одржување на живот. Докторите го советуваа семејството Мандела дека машината би требало да биде исклучена”, било наведено во правните документи поврзани со семејниот спор во врска со ексхумацијата на телата на трите деца на Мандела.
Семејството на Мендела сериозно ја разгледува и таа опција.
Претходно од надлежните во Јужна Африка беше соопштено дека здравјето на Мендела се оценува како „стабилно критично“.
Мандела е на интензивна нега во болница во Преторија, каде беше примен на осми јуни, поради инфекции на дишните патишта.
