Германската кацеларка Ангела Меркел поддржа денска заострување на правилата за депортирање бегалци кои ќе извршат кривични дела и истакна дека дури и тие што ќе добијат условни казни треба да ја напуштат Германија.
– Доколку бегалец не се придржува до правилата, мора да сноси последици што значи дека може да ја загуби дозволата за престој без оглед дали ќе добие условна или затворска казна, нагласи Меркел.
– Доколку законот не дозволува, тогаш мора да се немува законот, смета таа.
Меркел наведе дека заострувањето на законите не е само во интерес на граѓаните туку и во интерес на бегалците кои се во Германија. Според актуелните закони, баратели на азил може со сила да бидат вратени во државите од каде дошле смо доколку се осудени на затворски казни од најмалку три години и ако во државите на потекло не им е загрозен животот.
