За време на напнатите преговори во Минск кои ги воделе рускиот претседател Владимир Путин, украинскиот претседател Петро Порошенко, германската канцеларка Ангела Меркел и францускиот претседател Франсоа Оланд конечно дошло до бараното решение.
Преговорите траеле многу долго, а за тоа колку биле напнати сведочи и фотографијата на која се гледа како Путин крши пенкало.
Прво страстите се распламтиле откако Порошенко буквално излетал од салата за состаноци по „многу бурна расправа со Путин“, пренесоа руските медиуми.
Потоа, рускиот претседател го продолжил разговорот со Ангела Меркел и Франсоа Оланд, за во еден момент да го скрши пенкалото кое цело време го вртел во рака.
За време на преговорите, Владимир Путин најавил прекин на огнот на 15. февруари.
