Милановиќ: Нема да дојде до војна на Балканот


Хрватскиот премиер Зоран Милановиќ изјави денеска дека на Балканот нема да има никакви вооружени судири во случај Германија да ги затвори границите за имигрантите, и додаде дека Хрватска може „многу побрзо“ од Германија да ги затвори границите, јави Хина.zoran milanovic

На барање на новинарите да ја искоментира изјавата на германската канцеларка Ангела Меркел дека постои опасност од оружени судири меѓу земји од Балканот, преку кои минуваат транзитните маршрути на бегалскиот поток, ако се наложи Германија да ја затвори границата со Австрија, Милановиќ рече дека таа е многу претпазлива во своите изјави, дека секогаш има „две три линии на заштита“ и оти ја разбира.

– Не може, меѓутоа, Германија да ги затвори границите. Хрватска тоа може да го направи многу побрзо од Германија. Нема да има никакви вооружени судири – рече Милановиќ.

Германската канцеларка Меркел која што е цел на остри критики од дел од јавноста, политичките противници, но и од нејзините конзервативци, смета дека прекинот на прием на бегалци во земјата може да предизвика воен конфликт на Балканот.

За време на партискиот говор во градот Дармштат вчера вечер Меркел ги бранела своите позиции за бегалците, но и новата мерка за изградба на транзитни зони на границата во кои апликациите за азил ќе бидат процесирани пред бегалците да влезат во Германија.

Share Button
MK News

Автор инфо

No comments yet.

Остави коментар

UA-33057274-1