На адресата на чешкиот министер за внатрешни работи Милан Хованец пристигнало отровно писмо.
Портпаролот на Националниот институт за нуклеарна, хемиска и биолошка заштита Радек Покорник изјави дека во сомнителниот коверт имало „материјал сличен на цијанид“ и во количина опасна по живот.
Писмото кое Хованец го добил во вторникот, пристигнало од некоја северноевропска држава.
Неодамна, слични сомнителни писма пристигнале во чешкото Министерство за надворешни работи, во Владата и во претседателскиот кабинет, но во нив немало отров.
