Оштетување на споменикот на АСНОМ во Жена Парк, фасадата на Министерството за култура и две патнички возила регистрирала полицијата по вчерашниот протест.
Од МВР денес информираат дека вчера во периодот од 18 до 21.35 часот во централното градско подрачје се одржа протест организиран од неформално здружение ,,Протестирам“, кој започнал пред објектот на СЈО, а околу 19.10 часот се префрлил пред Собранието на Република Македонија.
-По кусо задржување пред Собранието насобраните граѓани околу 19.30 часот се упатија кон плоштадот Македонија каде се задржаа до 19.50 часот. Протестот потоа продолжи по булевар ,,Партизански Одреди“, по улицата ,,Аминта Трети“ , улица ,,Мирослав Крлежа“ и пред Министерството за култура. Протестот заврши пред Владата на Р.Македонија околу 21.35 часот, информираат од МВР.
