Министерството за внатрешни работи закажа прес-конференција за во 22.30 часот на која ќе бидат презентирани детали за акцијата во Куманово.
Претходно во прес конференцијата во 14 часот портпаролот на МВР Иво Котевски информираше дека утрово околу 5 часот специјалните единици отпочнале со реализација на планот за разбивање на терористичка група.
– Истите наидоа на жесток отпор од терористите кои ги нападнаа со автоматско оружје, бомби и снајперски оган. На нападот е одговорено исклучително внимателно и соодветно на ситуацијата, истакна Котевски.
Во текот на денот во Ургентниот центар во Скопје беа пренесени дваесетина повредени полицајци. Нема информации за нивната состојба. Неофицијално тројца припадници на безбедносните сили починале.
