Новото провокативно истражување укажува дека математичките и јазичните способности во основното училиште се клучен показател за идниот социоекономски статус во повозрасните години.
Всушност, студијата која ја спровеле истражувачите од Универзитетот во Единбург покажала дека децата кои на седум години се вешти во математика и читање, ќе прераснат во лица кои на 42 години би биле позиционирани висока на социоекономската скала.
Авторот на истражувањето Стјуарт Ричи, докторант на универзитетот изјавил дека и самиот бил изненаден со откритието.
„Многу психолози дури и порано укажувале дека покрај општата интелигенција, за успехот на поединците важни се математичките и јазичните вештини“, вели Ричи.
Студијата следела 17 638 Англичани, Шкоти и Велшани и 920 имигранти од 1 до 50 години живот. Собрани се податоци за начинот на живот на овие поединци во нивната седма, единаеста и 42 година. Кога испитаниците имале седум години, истражувачите ја испитувале социоекономската подлога на нивните родители, како и математичките и јазичните вештини.
На 11 години им е измерен коефициентот на интелигенција, а на 16 мотивацијата за понатамошно образование. Кога испитаниците наполниле 42 години, мерено е траењето на нивното школување и социоекономскиот статус – колку пари заработиле. Студијата е објавена во мајското издание на магазинот „Psychological Science“.
Hajd park