Речиси секоја жена во светот има проблем со целулитот, за кој во суштина не знае што е точно ниту како на вистинскиот начин да се справи со кожата како кора од портокал.
Жените се убедени дека целулитот е проблем кој може да се реши со слабеење, па држат разни диети, но, тоа не е решение.
Жените мора да бидат свесни за тоа дека целулитот не е проблем со килограмите и дебелината, туку е исклучиво проблем на кожата. Тој нема никаква врска со тоа колку сте тешки, туку со сосем други фактори.
Дури и најслабите девојки и жени може да имаат проблем со целулитот, а ниту мажите не се изоставени.
Покрај диетите, луѓето знаат да потрошат и илјадници евра за разни лосиони, креми и третмани за кои веруваат дека ќе им го решат проблемот, а всушност се работи само за фрлање пари на производи кои се бескорисни.
Заборавете на кремите, третманите и анти-целулитните масажи.
Дури и липосукцијата спаѓа во неефикасните методи бидејќи целулитот не е маст која може да ја извлечете од организмот, туку се работи за појава која е предизвикана од мускулната атрофија која настанува кога еден слој мускули станува послаб и недефиниран, се одвојува од кожата и прави видливи масни наслаги.
Иако изгледа како да не постои решение за целосно ослободување од целулитот, сепак не е се толку безнадежно. Постои специјална програма на вежби кои ги подигнуваат, тонираат и обликуваат мускулите, спојувајќи ги повторно со кожата.
Покрај вежбите, мора да водите сметка и за исхраната. Јадете здраво, избегнувајте слатки работи и газирани пијалаци, пијте многу вода, но и движете се. Редуцирајте ја храната, вежбајте, посоветувајте се со стручни лица и ослободете се од целулитот.
Погледнете го видеото со дел од вежбите кои може да ви помогнат.
