Непознат сторител го извадил испусниот вентил на браната кај неготинско село Липа и водата завршила во реката Вардар.
Според претседателот на селската месна заедница Јован Ѓелов ова претставува еколошка катастрофа, бидејќи имало угинати риби, а добитокот од неколку сточарски семејства останал без вода за пиење, пренесува а1оН.
Ова е според нас вистинска еколошка катастрофа за регионот. Во прашање е човечки фактор. Некој треба да сноси одговорност за ова. Веќе информиравме повеќе надлежни институции тоа што се случи. Од оваа брана се наводнуваа и земјоделски површини. Бараме да се санира состојбата бидејќи без оваа брана околината ќе биде пустелија, рече Ѓелов.
