Нема веќе месечен додаток за трето дете – за новороденче еднократна парична помош


Нема да има додаток за трето дете секој месец, туку само еднократна парична помош. Ако досега овие семејства добиваа по 8000 денари месечно или околу 15.500 евра за 10 години колку што важеше мерката во иднина само еднаш ќе земат 1000 евра од државата. Министерката за труд и социјала иако тврди дека паричниот надоместок не се укинува туку се трансформира, сепак драстична е разликата во помошта за трето дете.

-Таа политика беше за зголемување на наталитетот, јас ви тврдам дека наталитетот е ннамален и самата мерка нема никаков ефект врз наталитетот, изјави Мила Царовска, министер за труд и социјална политика.

Додатокот за трето и четврто дете беше воведен од Владата на ВМРО ДПМНЕ во 2009 година. Оние 26.000 семејства кои добиле трет член во семејството ќе продолжат да земаат 8000 денари месечно се до 10-тата година. Старата мерка ќе ги опфати и брачните парови ако им се роди трето дете во наредните 10 месеци од донесување на законските измени кои се во процедура. Во иднина државата ќе дава еднократна парична помош и за прво дете 5000 и за второ дете 20.000 денари.

Share Button

Tags:

MK News

Автор инфо

No comments yet.

Остави коментар

UA-33057274-1