Во Скопје, вчера ненадејно почина претседателот на Одборот на директори на Македонски телеком и Т-Мобиле Македонија Оливер Костуранов.
Од компанијата информираат дека Костуранов ја вршеше функцијата претседател на Одборот на директори на Македонски Телеком од мај 2010 година и беше максимално посветен на оваа позиција со голем ентузијазам.
Македонски Телеком и Т-Мобиле Македонија со искрено сочувство до семејството, соопштија дека изразуваат длабоко жалење за ненадејната смрт на претседателот на Одборот на директори, Оливер Костуранов.
-Тој ја вршеше функцијата претседател на Одборот на директори на Македонски Телеком од мај 2010 година и беше максимално посветен на оваа позиција која ја извршуваше со голем ентузијазам. Оливер Костуранов ќе го паметиме како голем човек кој ја заслужува нашата најдлабока почит и врвен професионалец кој даде огромен придонес во унапредувањето на компанијата и нејзините вработени, соопшти компанијата.
Од таму нагласуваат дека прераната смрт на Костуранов претставува голема загуба за Македонски Телеком и Т-Мобиле, како и на Маџар Телеком и на Дојче Телеком групациите.
Оливер Костуранов почина вчера на 46 години.
