Ништо од Мекдоналдс во Македонија? – меѓу редови најава дека ќе работат под друг бренд


Деновиве ќе се знае дали „Мекдоналдс“ ќе остане во Македонија. „Утрински весник“ повикувајќи се нанеофицијални информации пишува дека во последниот период течат интензивни преговори меѓу акционерите во домашната фирма „СЈ компани“, која до пред еден месец ја имаше франшизата на светскиот бренд, и „Мекдоналдс“.

mekdonalds1

Од преговорите ќе зависи одлуката дали ќе има ресторани во Македонија кои понатаму ќе работат под името на овој бренд.

Весникот пишува дека додека нема официјална потврда каков е исходот од преговорите меѓу сопственикот на 51 отсто од акциите Светозар Јаневски од М6 и малцинскиот акционер Зоран Матлиевски, во јавноста се зборува и за втората опција.

Доколку не дојде до договор и „Мекдоналдс“ се повлече од домашниот пазар, во тој случај рестораните наскоро би можеле да проработат и под друг бренд, за кој засега не се зборува. Последната варијанта, која е и најмалку веројатна, е дека тие ќе останат затворени.

Седумте локали во Скопје, Тетово и Охрид беа неочекувано затворени на 14 мај. Над 200 вработени останаа дома без прецизна најава дали и кога ќе се вратат на работа.

Share Button

Tags:

MK News

Автор инфо

No comments yet.

Остави коментар

UA-33057274-1