Нотр Дам – Симбол на Париз, ремек дело на светската архитектура


Париската црква Нотр-Дам, симбол на француската престолнина, попладнево ја зафати пожар.

Пожарот на катедралата Нотр Дам се шири брзо, а се урна централната купола.

Градоначалничката на Париз, Ана Идалго, го опиша како „страшен оган“ и ги повика луѓето кои се во близина да ги почитуваат ограничувањата за приближување кои ги пставија противпожарните екипи со цел да безбедни.

Богородичната црква или Нотр Дам е готска катедрала на источната половина на островот Сите на реката Сена во Париз, Франција, со главен влез од западната страна. Ова е катедралата на Париз и седиштето на архиепископот на градот. Богородичната црква се смета за најубавиот пример за француската готска архитектура. Виоле-ле-Дик, еден од најпознатите француски архитекти, ја обновил и сочувал од уривање. Името „Нотр Дам“ на француски значи „Нашата Госпоѓа“ (Богородица или Дева Марија).

Ова е една од најубавите готски катедрали во светот, градена низ целиот готски период. Скулптурите и витражите се одликуваат со големо влијание од натурализмот, за разлика од пораната романска архитектура.

Богородичната црква е една од првите цркви во светот каде се употребени арбутани (надворешни потпорни арки). Зданието првично не било предвидено да има арбутани околу хорот и бродот. По започнувањето на изградбата, откога потенките ѕидови (популаризирани во готиката) израснале уште повисоко, почнале да се јавуваат пукнатини од напон, како што ѕидовите притискале нанадвор. За да го решат проблемот, архитектите изградиле потпори на ѕидовите однадвор, и подоцнежните доградби продолжиле да се вршат на тој начин.

За време на радикалната фаза на Француската револуција (1790-ти г.), катедралата настрадала од сквернавење, кога голем дел од верската иконографија бил оштетен или уништен. Истата била обновена во текот на XIX век, и така катедралата го добила својот поранешен изглед.

Изградбата почнала во 1160 година, а во најголем дел била завршена 100 години подоцна.

Катедралата е со импозантни пропорции, посебно ако се земе предвид периодот кога била изградена. Таа е долга 128 метри, широка 48 а нејзините кули се високи 69 метри. Катедралата е позната по многу украсни делови, а најмногу по насликаните прозорци.

Нотр Дам минала низ многу промени во текот на историјата, а голема штета претрпела за време на Француската револуција, кога значителен број религиски слики и склуптури биле оштетени, или значително оштетени.

За време на ослободувањето на Париз од нацистите, катедралата претрпела мала штета од куршумите кои завршиле во нејзината фасада. Но никогаш во историјата не претрпела толку драматично оштетување како од овој голем пожар, кој се уште беснее.

Кон средината на 19 век е спроведена првата голема реставрација на катедралата, која траела цели 25 години, а во 20 век следуваа уште две големи обнови.

Минатата година, Католичката црква во Франција упати итно барање за финансиски средства за спасување на катедралата, која почна да се урива.

Share Button

Tags:

MK News

Автор инфо

No comments yet.

Остави коментар

UA-33057274-1