Објавени платите на министрите: Прогресивен данок само за Спасовски


Вицепремиерот и министер за внатрешни работи Оливер Спасовски добил 92.299,00 денари плата за октомври. Со тоа тој е најплатен министер во владиниот кабинет и зема повисока плата од премиерот Зоран Заев, на кого минатиот месеци му се исплатени 88.161,00 денари, пишува Независен.

Радмила Шекеринска земала плата 79.150,00 денари, а на вицепремиерот за Рамковен договор Хазби Лика, и покрај информациите дека не оди на работа, му се исплатени 76.340,00 денари или нешто повеќе отколку на вицепремиерот за европски прашања Бујар Османи, кој земал 75.635,00 денари.

Платата на Спасовски, пак, е повисока од таа на премиерот затоа што на министрите за внатрешни работи им следува надиоместок од плус 20 проценти за тежина на работно место, што било уредено со одлука донесен од Собранието пред повеќе години. Со тоа, Спасовски е единствен член на кабинетот на Заев што има плата повисока од 90 илјади денари, колку што е прагот според кој во иднина ќе се плаќа повисок данок, согласно со праведното оданочување што го најави Владата.

Платите на министрите се објавени на сајтот на владата, преку алатката за отчетност. Примањата на другите министри минатиот месец се движеле од 70.994 денари, колку што земал министерот без ресор задолжен за подобрување на статусот на Ромите Аксел Ахмедовски, до 80.206,00 денари, колку што му се исплатени на вицепремиерот за економски прашања Кочо Анѓушев.

Share Button
MK News

Автор инфо

No comments yet.

Остави коментар

UA-33057274-1