Од една до четири илјади евра казна за работодавачите кои нема да поделат К-15. Од први јули стартува исплатата на регресот за годишпен одмор.
Сопствениците на приватни компании до крајот на годинава на сметките на своите вработени треба да им префрлат најмалку 40 отсто од бруто исплатените плати во последните три месеци или околу 8 501 денари.
Според претседателот на Синдикатот договореното ќе се почитува и вели дека не се основани тврдењата на компаниите дека регресот за годишен одмор ќе им предизвика дополнителни финансиски потешкотии.
Од синдикатот најавија и кампања која ќе треба со законот за работни односи да ги запознае работодавачите и 300 те илјади работници во приватни фирми.
Исплатата на популарно наречената 13 плата им следува на сите што работат најмалку 6 месеци во една фирма, а според пресметки нето износот без платен персонален данок изнесува 8.501 денари и влегува во признаени трошоци на компанијата за плаќање на данок на добивка.
