Брачен пар од Требиње загина синоќа во тешка сообраќајна несреќа откако со својот автомобил излетале од магистралниот пат Требиње-Билеча. Нивната 10-годишна ќерка која била заедно со нив во автомобилот е полесно повредена.
Несреќата се случила вчеравечер околу 22:30 часот кога возилото од засега непознати причини излетало од патот.
Српските медиуми објавија и дека брачниот пар се враќал од свадба од ресторан кој се наоѓал на 15-тина километри надвор од градот.
Идентитетот на загинатите се уште не е познат, но од полицијата изјавиле дека станува збор за помлади маж и жена.
