Турција планира следните денови да почне воена офанзива на ИСИС, прва осомничена за крвавиот напад во Анкара минатиот месец, рече турскиот министер за надворешни работи Ферудин Синирлиоглу.
Турската војска која минатото лето тргна во војна против тероризмот, до сега своите операции ги сконцентрира на бунтовниците на Работничата партија на Курдистан.
После самоубиствениот напад во кој беа убиени 102 лица, а повеќе од 500 ранети, полицијата изврши повеќе апсења од џихадистичките кругови во Турција.
-„Исламската држава ни се заканува на нашите животи и на нашата сигурност“- изјави министерот.
Но, тој не прецизираше во која земја би се извела воена операција. Во Турција, во Анталија на 15 и 16 ноември ќе се одржи годишен самит на шефови на држави и влади Г20.
