Унгарскиот премиер, Виктор Орбан, гo упати новинарoт од унгарската телевизија „24“ одговор на прашањето околу азилот на Никола Груевски да бара кај правните експерти.
„Тоа е правно прашање, одговорот побарајте го кај адвокатите“, одговори Орбан запрашан да ги објасни основите на Груевски за престојот во Унгарија, односно зошто не е во транзитната зона за време на неговото барање за азил.
Министерот Гергели Гулијаш од кабинетот на унгарскиот премиер, Виктор Орбан, потврди дека Груевски дал изјава во унгарска амбасада, каде што побарал и азил, не прецизирајќи во која држава се наоѓа амбасадата. Гергери изјави дека Никола Груевски легално ја поминал границата и тоа со лична карта, заклучувајќи дека низ Балканот се патува и со лични карти.
