Најмалку 22 лица се убиени во две масовни престрелки во ресторан и куглана во Левистон, Мејн, САД, јавува Си-Ен-Ен. Според извори од органите на редот, повредени се 50 до 60 луѓе.
Полицијата го идентификуваше Роберт Кард (40) како напаѓач, додавајќи дека тој треба „да се смета за вооружен и опасен“.
Ресторанот Шеменгис (Schemengees Bar and Grill), една од двете локации каде што беше пукано и убиени беа десетици луѓе, објави порака на својата Фејсбук страница утринава.
Левистон, Мејн, е мал град – со население од само 38.493 луѓе според американскиот попис.
Таму се наоѓа колеџот Бејтс, приватно училиште за либерални уметности, а градот редовно е рангиран како еден од најбезбедните градови во Америка.
Четириесетгодишниот Роберт Кард, кој наводно има историја на ментални болести, влегол во куглана и ресторан во градот Левистон, во сојузната држава Мејн, и започнал да пука во луѓето. Убил најмалку 22, а ранил меѓу 50 и 60 лица.
Стотици полицајци се вклучени во потрагата по Роберт Кардо, додека жителите на Луистон добија наредба да се евакуираат. Два полициски извори потврдиле за „Асошиејтед прес“ дека бројот на жртвите се очекува да се зголеми.
Ова е најлошото масовно пукање во САД во 2023 година. Вкупно 565-то во Соединетите Американски Држави во овие десет месеци и 31-во каде е извршено масовно убиство, објави сајтот Gun Violence Archive, кој собира податоци за престрелките во САД.
Најмасовното пукање во САД датира од 2017 година од Лас Вегас. Тогаш 64-годишниот Стивен Крег Педок отворил оган врз луѓето кои биле на фестивал во Вегас. Убил 60 луѓе.
