Според фотографијата што ја објави Миа ова е бугарскиот новинар дописник на Би-Би-Си кој побарал македонско државјанство.
Разочаран од животот во Бугарија, поранешниот дописник на радио Би-Би-Си во Софија Христо Казашки избрал нестандардна форма на протест и одлучил да побара македонско државјанство, објавија бугарските и грчките медиуми.
– Изгубив верба дека во блиска иднина Бугарија ја очекуваат добри работи. Нацијата се топи како снег на топло време и младите земаат билет во еден правец за надвор од земјата, изјавил Казашки.
Според него, Турција не му одговара затоа што е христијанин, Грција и Романија не му се допаѓаат, а најблиска му е Македонија.
– Минатата година бев во Охрид, Скопје и Битола, и таму ми се допаѓа. Минималната пензија кај нас е 150 лева, а во Македонија 140 евра. Горивото А95 тука е околу 270 лева а таму 220. Тие не претекнаа во секој поглед, рекол новинарот за бугарските медиуми.
Според некои медиуми, Казашки му пишал на македонскиот премиер со цел да се реши прашањето за неговото државјнаство. Тој наводно добил ветување дека за две седмици ќе стане Македонец.
