Поглаварот на Римокатоличката црква, папата Франциск упати порака до секој бискуп кој ги штител и криел свештениците осомничени за педофилија да си поднесат оставки.
Папата го кажал ова во авионот во текот на летот кога се враќал од Мексико кон Ватикан. Токму во Мексико има жртви на најголемиот педофил Марсијал Масијело кои и понатаму се борат со траумите од неговото злоставување.
– Тоа е монструозно, рекол папата коментирајќи ги злоставувањата на свештениците вклучувајќи го и Масијело кој почина во 2008ма година на 88 годишна возраст.
Педофилски скандали го тресат и Ватикан со години, но никој не кажал јавно како ќе се стави крај на тој злочин. Според статистичките досиеа од 400 000 свештеници меѓу кои се и бискупи и кардинали кај 8000 е запишана педофилија.
И претходникот на Франциск бил соочен со слични податоци, тој се обидуваше да го санкционира и Масијело но тоа не беше возможно.
