Тој ќе настапува независно за да ги претстави ставовите на својата партија и да се подготвува за најавените предвремени парламентарни избори.
Трајанов вели дека за оваа одлука го известил и претседателот на Собранието, Трајко Вељаноски, но сепак Трајанов одлучил да остане во владината коалиција.
„После парламентарните избори Демократскиот сојуз доби одредени функции и сега нема никаква причина од нив да се откаже. Кога ќе сметаме дека одредени законски решенија се добри за граѓаните ќе дадеме поддршка“, вели Трајанов.
Тој најавува и формирање на нова политичка групација во која влегуваат и други политички партии и асоцијации.
Независен пратеник од пред неколку месеци е и Лилјана Поповска од ДОМ, која истовремено и ја напушти владината коалиција.
