Најлошо било во областа на Ниш, каде што е објавено и предупредување дека се очекуваат многу опасни временски појави, кои би можеле да предизвикаат голема материјална штета и опасност за безбедноста на луѓето и животните, поради што сите служби во градот се во состојба на готовност. Предупредувањето за невремето вчера, прекинувајќи го официјалниот протокол на конференцијата во Градското собрание го соопштил градоначалникот на Ниш, Зоран Перишиќ.
“Во периодот од 31-ви јули 2014-та во 10 часот до 1-ви август по полноќ, на територијата на Ниш се очекуваат појава на дожд и грмежи со град. а количината дожд над 40 литри на метар квадратен за период од 12 часа, што според степенот на опасност се многу опасни временски услови”, изјавил оперативниот центар на Дирекцијата за вонредни ситуации.
Поради ова ги ангажирале сите градски служби и ги информирале директорите на здраствените установи со цел да се преземат превентивни мерки.
