Мајмунчето Лука од скопската зоолошка градина преживеа уште една незгода со среќен крај. Мајмунчето, павијан кое уште од раѓање го отфрли мајката, вчера заврши во рацете на двајца крадци. Маж и жена од Кавадарци, лесно го препознале популарниот Лука, со алат ја пресекле мрежата од плетената ограда, го извлекле мајмунчето од кафезот и го ставиле во црна вреќа.
Крадците ја прескокнале заклучената ограда и избегале со такси возило кое цело време ги чекало на паркингот. За среќа посетителите веднаш пријавиле кај чуварската служба, па полицијата покренала потера по мајмунчето. 
Здравствената состојба на Лука е добра, во моментов е сместен во внатрешното живеалиште заедно со своето помало братче.
Вчера во ЈУ Зоолошка градина Скопје, во периодот околу 17:00 – 17:30 часот, непознати сторители низ исечен отвор на мрежата од надворешото живеалиште украдоа младо од видот на мајмун-павијан, старо 1,5 година (на јавноста познато како мајмунчето Лука) и со прескокнување преку јужната заклучена капија од Градината, се упатија кон паркингот и со возило кон правец на градот Велес.
