Основниот суд Скопје 2 денеска беше во лер – од утрото нема струја поради што не се одржуваа судењата, јави Канал 5.
Според информациите од судот вечера вечер пукнала цевка која предизвикала поголема поплава. За да не настане поголема штета целосно била исклучена електричната енергија.
Дефектот бил саниран, но струјата и денеска не беше вклучена за денеска убаво да се исуши намокрената инсталација.
Некои од адвокатите и граѓаните кои доаѓаа на закажаните рочишта се качуваа во темните судници за да добијат нови датуми за судење, а други што дојдоа подоцна беа враќани уште на влезот на судот, известува Канал 5.