Две лица починаа по пукањето во Вевчани кога едно лице упаднало во угостителскиот објект „Пјаца“ и пукало во 4 лица кои седеле во кафулето
Полицијата го фати осомничениот за двојното убиство во Вевчани што се случи вчера околу 21 часот во кафеаната Пјаца.Пукањето се случило околу 21 часот во кафеаната Пјаца, каде осомничениот влегол и, според очевидци, со пиштол испукал цел шаржер кон гостите.Осомничениот за двојното убиство е поранешен вевчански поштар кој цели 20 години не се појавил во селото и бил во бекство поради големи коцкарски долгови.
Владо Попески, сопственик на кафеаната Пјаца и Матеј Ѓурчески се убиените вевчанци во синоќешниот тежок инцидент во Вевчани. Ранети се и Илија Пржитоски и Горан Коруноски. Осомничен за убиството е поранешниот вевчански поштар Здравко Србакоски. Сите петмина се од Вевчани.
Тој, пред неколку дена се вратил во Вевчани и имал расправија со Попески и пак заминал. Синоќа Србакоски се вратил во Вевчани, влегол во кафеаната Пјаца, побарал пари од Попески, по што настанала вербална расправија и во еден момент поранешниот вевчански поштар го извадил пиштолот. Тој испукал цел шаржер куршуми. Еден од убиените починал во кафеаната, а вториот на пат за болница. Двајцата тешко ранети се хопитализирани во струшката болница и во охридската болница Свети Еразмо.
Убиецот избегал кон планината, но полицијата го пронашла и го притворила.
