Во акција на оперативците на полицијата од Нови Сад, денес уапсени се тројца мажи, кои се обиделе да избегаат од полицијата со возило марка „ауди“.
Драмата почнала нешто по 12.30 часот, кога црно „ауди“ со затемнети стакла со новосадски регистарски таблички прелетало низ неколку улици во центарот на градот. Полицајци во цивил на излезот од градот кон автопатат, со неколку возила му го блокирале патот на возилото.
– Од возилото инспекторите извлекоа тројца крупни мажи, најверојатно криминалци. Во моментот кога ги отворија вратите, од автомобилот летнаа неколку банкноти евра, изјавил за Блиц.рс очевидец на апсењето.
Приведените не сакале да признаат од каде им се парите, ниту пак имале доказ за потекло, а полицијата претпоставува дека се од некое кривично дело кое било неправено неодамна, можеби и утрово.
