Со цел да се ослободи водата од реката Црна и да се избегне големата опасност од поплавување на селата во општина Новаци е ископан канал на регионалниот пат Битола-Новаци.
Foto – Kurir
Со испуштање на водата ќе се избегне опасноста да влезе во куќите и да предизвика голема материјална штета.
На местото каде што е пресечен регионалниот патен правец Битола – Новаци и кој воедно служи за превоз на работниците во комбинатот е поставен времен подвижен премин исклучиво наменет за пешаци. Преку него ќе се врши преземање на работниците од едната до другата страна и обратно.
Одлуката за сечење на регионалниот пат до РЕК Битола беше донесена по денешниот состанок на регионалниот кризен штаб.
