Германскиот весник „Билд ам зонтаг“ повикувајќи се на податоци од американската Агенција за национална безбедност (НСА) пишува дека нападот во „Шарли Ебдо“ е само еден од повеќето планирани напади на џихадистичката организација „Исламска држава“ во Европа.
Весникот пишува дека припадниците на НСА успеале да ги прислушкуваат телефонските разговори на лидерите на „Исламската држава“ во кои било кажано дека Европа ја чека бран на терор и оти случувањата во Франција се само почеток.
Во разговорите немало конкретна информација за плановите на „Исламската држава“, меѓутоа бил спомнуван Рим.
