На тротоарот на улицата „Карпош Војвода“ во Охрид, денес околу 14:00 часот бил пронајден труп на машко, возрасно лице.
Порталот lihnid.com јавува дека случајот во СВР Охрид го пријавил доктор од Итната медицинска помош. Од СВР Охрид велат дека Истражен судија и Јавен обвинител излегле на терен со цел да се откријат детали за настанот.
Според првичните информации, на телото нема траги на насилство.
СВР работи и на откривање на идентитетот на лицето, а до граѓаните испратија апел доколку имаат информации за исчезнато лице, веднаш да пријават во Полициската станица во Охрид.
