Градските власти од безбедносни причини го затвораат Црвениот плоштад во Москва за пречекот на новата година.
Како што соопштија денеска, на 31 декември, на ниту еден турист ниту жител нема да биде дозволено да се приближи до традиционалното туристичко собиралиште, а камо ли таму да ја дочека Новата година, со традиционалното отчукување на часовникот на Кремљ.
Како официјална причина за затворањето на Плоштадот се наведува снимањето на концертот во живо за државниот телевизиски Канал 1, на кој ќе присуствува само државниот врв и одбрани гости, одлука што во јавноста се смета за преседан.
