Путин: Само ќе ја демилитаризираме Украина, нема да ја освојуваме цела | ВИДЕО


Рускиот претседател Владимир Путин изјави дека Русија „не планира да ги окупира украинските територии“ откако објави дека е почната специјална операција за одбрана на самопроласените народните републики Доњецк и Луганск од „украинската агресија“. Путин рече дека „само“ сака да го „денацифизира“ и „демилитаризира“ својот сосед.

Крајната цел на операцијата е „да се заштитат луѓето што 8 години беа подложени на геноцид од режимот во Киев“, рече Путин во обраќањето утрово и додаде дека Москва „ќе почне со демилитаризација и денацификација на Украина и ќе ги предаде пред лицето на правдата оние што извршија многубројни злосторства врз цивилите“.
Рускиот претседател рече дека Москва нема далекусежни планови за преземање на целата територија на Украина.

Тој ги обвини САД и нивните сојузници дека го игнорирале барањето на Русија да ја спречат Украина да влезе во НАТО и да ѝ понудат на Москва безбедносни гаранции.

Целата руска влада на чело со Путин изминативе недели постојано тврдеше дека Русија нема намера да ја нападне Украина и дека тоа е фикција измислена од Западот.

Tags:

MK News

Автор инфо

No comments yet.

Остави коментар

UA-33057274-1