Англиската фудбалска мегаѕвезда Рио Фердинанд би можел наредниве два дена да престојува во Македонија, и тоа на журка во Пробиштип, како гостин на познатиот ди-џеј Пол ван Дајк, пренесува порталот aberdzija.com.
Ова на својот официјален профил го најавил токму Ван Дајк, истакнувајќи дека доаѓа на луда журка, но и да го следи финалето во ЛШ, заедно со „Хајнекен“ и со Рио Фердинанд.
Дефанзивецот на Манчестер јунајтед е познат како љубител на добрите забави, а е добар пријател на Пол ван Дајк.
Холандскиот ди-џеј, пак, е главна ѕвезда на летното отворено издание на „Таксират“, што наредниве два дена ќе се одржува на „Аква парк фестивал“ во Пробиштип.
Можеби, ете шанса и Рио Фердинанд да го види Пробиштип, а и локалното население да се дружи со познатата фудбалска ѕвезда од Англија. Секако, доколку најавата на профилот на Пол ван Дајк се исполни…
Ekipa.mk
